SANTIAGO EN CHOIVA

"Santiago en choiva" é unha composición de Lucía Bañobre Álvarez,  interpretada a piano pola propia Lucía. Achegamos a partitura da composición, do seu puño e letra.

800 anos da nosa Catedral

 Na seguinte ligazón poderedes ver unha presentación de diapositivas sobre a evolución na construción da catedral de Santiago.



https://docs.google.com/presentation/d/18ChPwFMETYt9X3J6qbByZoDncRCEg55g0On0SAgX-ak/pub?start=true&loop=false&delayms=5000

UN REGALO DE MAR, VALERIA E TOMÁS: NOITE DO MUNDO

Mar, Valeria e Tomás fixéronnos un regalo para o noso blog intercultural: a adaptación musical do poema "Noite do mundo" que o poeta chairego  Xosé María Díaz Castro publicou no seu poemario NIMBOS.
Mar Pérez Sar escribiu a música, tócaa e canta a letra do poema, mentres Valeria María Sáa Freire fai unha interpretación multicultural do poema, con razas e cores mesturadas, e ollos que nos miran, e caras que nos observan. Tomás Otero Casal é o técnico de gravación e de montaxe.
Tres alumnos do IES Eduardo Pondal que sempre nos deron moitas alegrías!
 

  “Noite do mundo”

¡Noite do mundo,

oco de estrela arrincada,

onde teimo verte

de repente arder

sobre a miña vida

case consumida

na ourela da nada!

Ai ter teu alento

no meu rostro ó fin,

e eu diante os teus ollos

derrubarme en lus,

esvaerme no aire

que ti vas beber,

ser o teu rastro, ser

o teu eco perdido

e, case, non ser.

NAJLA SHAMI INTERPRETA A ROSALIA NUN DOS MONUMENTOS DA NOSA COMPOSTELA PATRIMONIAL

Na entrevista que lle realizamos, Najla Shami  falounos tamén de Rosalía de Castro, e de Compostela.... Que mellor que a súa interpretación do poema "Negra Sombra" de Rosalía nun lugar tan emblemático como é o convento de Bonaval?

NAJLA SHAMI FAI UN PASEO POLA COMPOSTELA PATRIMONIAL COA SÚA CANCIÓN "CAMIÑO BRANCO"

Gustounos moito entrevistar a Najla Shami, porque nos parece unha artista patrimonial e intercultural, como a nosa Compostela.  Aínda nos gustou moito máis comprobar como o video oficial da súa canción "Camiño branco" percorre algúns dos recantos composteláns que ela nos confesou como "especiais" para a súa vida.